會考0分, 令我的人生跌入黑暗的漩渦裡! 媽媽帶我到處找學校重讀中五, 卻被所有的教職員奚落和拒絕, 家人都很傷心, 我終於忍不住……...哭了!

光陰似箭,日子一日一日地溜走,[我的人生就快完蛋啦.......!] 有一日, 姨媽帶我們返教會.由這日起, 神改變了我的人生.

日日找學校重讀中五都是失敗,就算是私校都拒我於門外．後來，舅父叫我去瑪Ｘ亞私校試試.終於去到瑪Ｘ亞私校,老師都話我零分,話要好勤奮先得,我話冇問題,最後,這位老師都取錄我.(感謝神,原來這位老師是教會的一位弟兄!

PRAISE THE LORD!

但是第二次會考都是敗北而回.

會考唔得,緊係搵工業學院啦,但第一round同第二round都唔取錄我,之後,日日望天,心裡很焦慮, 因當時還是初信,仲未識得禱告.... (但神真的知我的需要),有日,工業學院的教授打電話問我讀唔讀,我死都話讀啦!

開學啦!但我在工業學院的YEAR 1生活很辛苦, 科科都唔掂! 很奇妙, 我竟可以係同班見到教會的弟兄姊妹. 好辛苦...... 好辛苦地(想退學)等到上學期完.

到了YEAR 2啦! 我報咗名讀理工大學嘅HIGH DIP 同 DEGREE課程, 等佢地interview我, 但全班同學都interview哂, 都冇我份, 真係好傷心, 所以我日日好勤力讀書, 讀到半夜兩三點, 幾經辛苦, 終於以CREDIT 畢業. Thanks God!

我在工業學院取得CREDIT 畢業後, 因為我估計冇大學取錄我, 又唔知搵什麼工作, 所以, 我諗住就算HIGH DIP都讀啦! 放榜日子到了, HIGH DIP課程冇取錄我. 心情有點失落, 要搵工啦.

有一晚, 媽媽和弟弟們同我一起禱告, 神真的聽我們禱告的! 嘩! 極大的神蹟! 竟然有一間大學取錄我讀DEGREE課程. 感謝主!

各會考生 – 加油吧~! (がんばれ～！)